Дана Уайт Конор Макгрегорнинг қайтаётганини тасдиқлади

Унинг жанги яқин вақт ичида расман эълон қилиниши мумкин.

Бу ҳақда UFC раҳбари Дана Уайт маълум қилди.

"Конор билан ҳаммаси жойида. Мен унинг бу йил жанг қилишига мутлақо ишонаман. Уни тўлиқ тайёрлаб, яна октагонга қайтара олишимизга ҳам ишончим комил. У машғулот ўтказяпти, интернетда унинг машғулотларидан видеолар ҳам пайдо бўлди. Ҳозирча ҳеч нарсани расман эълон қилмадик, аммо у шу ёзда жанг қилади. Ҳеч бўлмаса шундан бошлайлик – у бу ёзда октагонга чиқади", деди UFC президенти.

Миш-мишларга кўра, ирландиялик жангчи 11 июль куни Лас-Вегасда бўлиб ўтадиган UFC 329 турнирининг марказий жангида иштирок этади. Унинг эҳтимолий рақиби эса UFC’нинг собиқ ярим енгил вазн чемпиони ҳамда собиқ BMF камар соҳиби, америкалик Макс Холлоуэй бўлиши мумкин.