Дана Уайт UFC 300 бўйича ҳаммани қизиқтириб қўйди

Ташкилот раҳбари ҳозирча жанг санаси ва манзилини айтган холос. Карддан қандай жанглар ўрин олган, кимлар октагонга кўтарилиши ҳақида эса ҳали аниқ маълумотлар йўқ. 

"Яқин кунларда мендан ажойиб янгилик кутинг. UFC 300 турнирига оид қизиқарли маълумотларни анонс қиламан. Тўғри, бу турнир ҳақида тўлиқ маълумот бўлмайди, лекин сизларга айтадиган хабарим кўпчиликка қизиқ бўлиши тайин. Шундай экан, янгиликка тайёр туринг", - деди Дана Уайт. 

Аввалроқ, UFC 300 юбилей турнири 2024 йилнинг 13 апрель куни АҚШнинг Невада штати Лас-Вегас шаҳридаги "Ти-Мобайл" аренада ўтказилиши ҳақида хабар берилган эди. 

Тасдиқланмаган хабарларга кўра, UFC 300 турнирининг марказий жанги яримўрта вазн тоифасида Конор Макгрегор ва Майкл Чендлер ўртасида бўлиб ўтади. Шунингдек, UFC чемпионлари Вейли Чжан ва Алекса Грассо ўзаро жанг қилишга розиликларини беришган. Яримўрта вазнда амалдаги чемпион Леон Эдвардс ҳам UFC 300 турнирида жанг қилиш истагини билдирган.