20 дек 06:58
Янгиликлар

Бокс/ММА

Дана Уайт UFC`да "Йил жанги"ни айтди

Дунёнинг энг кучли лигаси ҳисобланган UFC промоушени президенти Дана Уайт йилнинг энг яхши жанги ҳақида берилган саволга жавоб қайтарди.

"Бу қийин танлов. Ҳозир яқинроқдаги жангларни эслай туриб, ҳаёлимга Жастин Гэтжи - Майкл Чендлер тўқнашуви келди. Лекин Жулианна Пенья ва Аманда Нуньес ўртасидаги жанг ҳам "Йил жанги"га даъвогарлик қила олади. Умуман олганда, бу йил яхши жанглар кўп бўлди. Шундан келиб чиқиб битта жангни айтиш мушкул иш", - деди Дана.

Эслатиб ўтамиз, 6 ноябрь куни Нью-Йорк шаҳрида бўлиб ўтган UFC 268 турнирида Жастин Гэтжи очколар ҳисобига кўра Майкл Чендлерни мағлубиятга учратган эди. Ўтган ҳафта Лас-Вегасда ўтказилган UFC 269 турнирида эса Жулианна Пенья икки вазн тоифаси қироличаси Аманда Нуньесни иккинчи раундда бўғиш усули билан енгиб, яхшигина шов-шувга сабабчи бўлганди.