Дана Уайт - UFC’нинг янги рейтинглари ҳақида: "Кўпчилик норози бўлади"

"Иш беради деган умиддаман. Ҳа, рейтинглар душанба куни чиқади. Биз барча тафсилотларни эълон қиламиз. Улар ҳақида билишимиз керак бўлган барча маълумотлар душанба куни очиқланади", - деди UFC раҳбари Лас-Вегасдаги матбуот анжуманида.

Аввалроқ янги рейтинг тизимининг маъмури сунъий интеллект бўлиши эълон қилинган эди, бироқ Уайт жараён тўлиқ автоном бўлмаслигини ва одамлар унинг бир қисми бўлиб қолишини таъкидлади.

"Иккаласи ҳам бўлади. Мен аввалгидек ҳам инсоний, ҳам инсонга боғлиқ бўлмаган омилдан фойдаланмоқчиман, агар буни шундай аташни истасангиз. Ва ўйлайманки, ҳеч бир вариант мукаммал бўлмайди, лекин бу бизга аниқроқ натижага яқинлашиш имконини беради. Душанба куни чиқадиган рейтинглар, менимча, кўпроқ маънога эга. Ишончим комилки, шикоят қиладиган, баҳслашадиган ва бу адолатсиз ва нотўғри эканлигини айтадиган кўплаб одамлар топилади. Биринчи йил тизим қандай ишлашини кўрамиз", - дея тушунтирди ташкилот президенти.

Ишлаб чиқувчиларнинг фикрига кўра, максимал объективликка даъво қиладиган янги рейтингларнинг асосий хусусияти шундаки, жангчиларнинг позициялари овоз берувчиларнинг фикри, шахсий афзалликлар, субъектив омиллар ёки спортчиларнинг машҳурлиги билан эмас, балки фақат октагондаги ютуқлар билан белгиланади.