20 июн 07:48
Янгиликлар
Бокс/ММА
Дана Уайт: "Улар Хабиб ва Фергюсонга ўхшайди"
UFC президенти Дана Уайт Дональд Серроне ва Жо Лозон ўртасидаги жанг бекор қилинганига муносабат билдирди.
Ушбу қарама-қаршилик 19 июнь тонгида Техас шаҳридаги UFC on ESPN 37 турнирида ўтказилиши керак эди. Аммо, Лозоннинг чап оёғидаги муаммолари сабаб, жанг бекор қилинди.
"Уларнинг вазияти Хабиб Нурмагомедов ва Тони Фергюсон ўртасидаги ҳолатга ўхшайди. Лекин биргина фарқи - бу жангни уюштиришга бошқа ҳаракат қилмайман", — дея Уайтнинг сўзларини келтиради MMAJunkie.
Эслатиб ўтамиз, аслида Серроне ва Лозон ўртасидаги жанг май ойидаги UFC 274 турнирида ўтказилиши лозим бўлганди. Бироқ, Серроненинг соғлиғидаги муаммолар туфайли жанг бекор қилинганди.
UFC on ESPN 37 турнирининг асосий жангида америкалик Жош Эмметт ҳамюрти Калвин Каттарни очколар ҳисобида мағлуб этди.
Ҳавола :
Манба : championat.com
Фикрлар