Дана Уайт Хабиб Нурмагомедов жамоадошини шартномасиз қолдирди

Гап россиялик аралаш яккакураш устаси Рашид Вагабов ҳақида кетмоқда. Жангда яққол фаворит ҳисобланган Рашид бразилиялик Пауло да Сильвага қарши кечган уч раундлик жангда очколар (30-27, 30-27, 30-27) ҳисобига кўрагина ғалаба қозонди. 

Вагабовга шартномага имзо қўймаслик қарорини тушунтирар экан, Дана Уайт россияликнинг ўзини кўрсатиши ва жанг пайтида у билан гаплашишга уриниши билан изоҳлади.

"Агар сен жангнинг ўртасида мен билан гаплашсанг ва жаҳон чемпиони бўлишга ваъда берсанг, аммо саккиз карра фаворит бўла туриб, рақибни муддатидан аввал мағлуб эта олмасанг, мен қойил қолмайман", - деди UFC раҳбари шоудан сўнг.

Ташкилот билан шартномаларни муддатидан олдин ғалаба қозонган Демиан Пинас, Луис Журдейн, Кристофер Алвидрес ва Кёртис Кемпбелл қўлга киритди.