Дана Уайт Хамзат Чимаевнинг жанг белгилаш ҳақидаги илтимосига изоҳ берди

"Мен буни кўрмадим. Ҳа, албатта, жанглар ҳақида гап кетганда, унинг номзоди доимо муҳокама қилинади. Худди бутун рўйхатдаги (жангчилар) каби. Идеал дунёда ҳар бир жангчи йилига учта жанг ўтказиши керак", — деди Уайт Лас-Вегасдаги матбуот анжуманида.

Маълумот учун, май ойида Хамзат Чимаев ўрта вазн тоифасидаги UFC чемпионлик камарини бой берди. У ҳакамларнинг айри қарори билан Шон Стриклендга имкониятни бой бергач, октябрь ойида Абу-Дабида бўлиб ўтадиган турнирда америкалик рақибидан реванш олишни исташини маълум қилган эди.

Стрикленд жароҳатидан тикланаётганини ва 24 октябрь куни Абу-Дабида бўлиб ўтадиган UFC 333 турнирининг асосий жанглари сифатида енгил ва ярим енгил вазн тоифаларидаги чемпионлик баҳслари аллақачон эълон қилинганини ҳисобга олсак, тадбир кардига яна бир чемпионлик жанги қўшилиши даргумон кўринади.