Dana White’s Contender Series ғолиби UFC`да 11 миллион доллар ишлаб топди

Дунёнинг энг кучли лигаси раҳбари Дана Уайтнинг таъкидлашича, ҳа, бу мумкин.

Бу ҳақда ташкилот президенти Лас-Вегасда бўлиб ўтган Dana White’s Contender Series саралаш шоусининг навбатдаги турниридан сўнг ўтказилган матбуот анжуманида маълум қилди.

"Мен сизларга айтганимдек, сўнгги ўн йил ичида биз шоу иштирокчиларига 225 миллион доллар тўладик. Шу йигитлардан бири, ҳеч қачон чемпионлик учун жанг қилмаган бўлса-да, ташкилотда 11 миллион доллардан ортиқ пул ишлаб топди. Шунинг учун, фаол бўлинг ва ҳар қандай имкониятдан фойдаланишга тайёр туринг, чунки пул ишлаш учун сизда кўп вақт йўқ. Бу ҳар қандай спорт турига тегишли. Фаоллик ҳамма нарсани ҳал қилади ва менга бу ёқади", – деди Уайт.

Сизнингча, дунёнинг энг кучли лигаси раҳбари тилга олган жангчи ким бўлиши мумкин? Таҳририятимиз тахминига кўра, бу америкалик Кевин Ҳолланд. У 2018 йилда саралаш шоусидаги ғалабасидан сўнг UFC`га келган ва лигада 29 та жанг ўтказиб, 16 та ғалаба, 12 та мағлубят қайд этган. Яна битта жанги эса ўтказилмаган деб топилган.