Даниэль Коллинз Азаренкодан устун келди

Дунёнинг 15-ракеткаси бўлиб турган Даниэль Коллинз бош совринни кўзламоқда. Америкалик теннис маликаси 106 дақиқа давом этган 1/4 финалда WTA рейтингида 24-поғонада бораётган беларуслик Виктория Азаренкони мағлубиятга учратди - 6/4, 6/3.

Теннисчиларнинг ўзаро учрашувларида Коллинз олдинга чиқиб олди - 2:1. Даниэль 6 та эйс ва 5 та брейкни амалга ошириб, 8 та қўшхатога йўл қўйди. Коллинз фаолиятида илк бор WTA 1000 турнири ярим финалига чиқди. У сўнгги 20 та учрашувининг 19 тасида ғалаба қозонган. Унинг финал остонасидаги рақибаси дунёнинг иккинчи ракеткаси, беларуслик Ариной Соболенко бўлади.