Даниэль Кормье Ислам Махачев учун энг қийин жангни айтди

Ярим ўрта вазн тоифасида UFC рейтингида тўртинчи ўринни эгаллаб турган Шавкат Раҳмонов янги дивизион чемпиони Ислам Махачев учун энг қийин синов бўлиши мумкин, деб ҳисоблайди Кормье.

"Шавкат Раҳмонов – бу мен ўйлайдиган ва айтадиган йигит: "Бу тасаввуримдаги энг ақлдан озган жанг". Ислам Раҳмоновга қарши! Шавкатнинг габарити, курашдаги маҳорати, кучли зарбаси... чиндан ҳам зўр жанг бўлди. Ўтган дам олиш кунлари Ислам фаолиятидаги энг қийин жангни ўтказади деб ўйлагандим, аммо у бундай эмаслигини яққол кўрсатди. Агар у Шавкат билан жанг қилганида, менимча, бу, шубҳасиз, унинг фаолиятидаги энг қийин жанг бўларди", - деди Кормье ESPN телеканалининг "Good Guy/Bad Guy" таҳлилий шоусининг навбатдаги сонида.

Маълумот учун, Сурхондарёда туғилган қозоғистонлик аралаш яккакураш устаси ўтган йилнинг декабрь ойида ҳакамларнинг якдил қарори билан Йен Мачадо Гаррини мағлуб этиб, биринчи рақамли даъвогар мақомини мустаҳкамлаганди. Аммо жароҳати туфайли "Номад" Белал Муҳаммад билан чемпионлик жангидан воз кечишга мажбур бўлди. Белал эса май ойида Жек Делла Маддаленага чемпионлик жагида имкониятини бой берди.

Ўтган ҳафта охирида австралиялик илк ҳимоя жангидаёқ Ислам Махачевга ютқазди.