Даниэль Кормье Жон Жонснинг чемпионлик камарини қўлга киритганига муносабат билдирди

"Жон Жонс оғир вазн тоифасида UFC чемпиони бўлди ва буни кўпчилик ундан кутмаган эди. Жон Жонс бу жанг у учун қанчалик осон бўлишини айтган эди, аммо ҳеч ким бунга ишонмади

У бироз секин ҳаракат қилди, унинг ҳаракатлари у қадар тез эмас эди. Лекин, у қанча вазн йиққанини ҳисобга олсак, бу табиий. Сирил Ган асабий эди ва қатъиятсиз ҳаракат қилди. Жон Жонс у билан жангда қилиш мумкин бўлмаган барча ишларни қилди.

Жон Жонс Фрэнсис Нганнуга мағлуб бўлган Сирил Ганни бўйсундириш орқали чемпионга айланди. Унга уч йиллик танаффусдан сўнг оғир вазн тоифасида UFC чемпиони бўлиш учун икки дақиқа вақт керак бўлди" - деди Кормье.

Шунингдек, Кормье чемпионлик камарига расман навбатдаги даъвогар деб топилган Стипе Миочич Жон Жонс учун ҳақиқий синовга айланишини айтди.

"Албатта Миочич унинг учун катта синов бўлади. Стипе нафақат тейкдаунга қарши қандай курашишни билади ва балки чемпионлик тажрибасига ҳам эга", - дея қўшимча қилди Кормье.