Даниэль Кормье UFC жангчиларнинг гонорарларини оширганини айтди

Кормье UFC’нинг Paramount телекомпанияси билан етти миллиард долларлик келишуви жангчиларнинг гонорарлари ошишига олиб келганини, энди улар пуллик трансляциялар сотувидан фоиз ололмаслигини таъкидламоқда.

"Улар аллақачон кўпроқ пул олишмоқда, - деди Кормье. - Мен пуллик трансляцияларда бўлган жанглар билан солиштирганда ҳам олдингига қараганда кўпроқ пул топадиган йигитларни биламан. Ахир сўнгги пайтларда пуллик трансляциялар аввалгидек яхши сотилмаётганди-да... Мен Жон Жонс ёки Энтони Жонсон билан жанг қилганимда ва бизнинг шоуда яна Ник Диас, Нейт Диас бўлганида, биз пуллик трансляциядан катта пул ишлаб олардик. Ҳозир бундай эмас: 500-600 минг сотилган трансляциялар катта рақам ҳисобланади... Энди бу кафолатланган тўлов. Турнирни очганлар ҳам, кейинги жангларда иштирок этганларнинг барчаси ҳам кўпроқ пул топади".

Эслатиб ўтамиз, авваллари UFC кўпинча компания ўз даромадининг атиги 16-20 фоизини жангчиларга гонорар тўлашга сарфлашда айбланарди. Бу NFL, NHL ва NBA каби бошқа Америка лигаларига қараганда анча кам. Бу ерда спортчиларга тўловлар ташкилот даромадининг тахминан 50 фоизини ташкил қилади.