25 янв 13:18
Янгиликлар

Бокс/ММА

Даниэль Роман: "Муроджон Аҳмадалиев кучли, аммо камчиликлари ҳам бор"

Хабарингиз бор, 30 январь куни ҳамюртимиз Муроджон Аҳмадалиев ярименгил вазн тоифасида WBA ва IBF йўналишлари чемпиони Даниель Романга қарши жанг қилади.

29 ёшли америкалик чемпион мазкур жанг ҳақидаги фикрларини билдириб ўтди.

"Муроджон Аҳмадалиев жамоадошим Айзек Заратени мағлуб этган, шу сабабли уни яхши биламан. Биламан, у кучли йигит, агрессиов жангчи, юқорига интилмоқда ва ўзига тақдим этилган имкониятдан фойдаланган ҳолда мени мағлуб этмоқчи.

Унда камчиликлар ҳам бор, у қўлини тушириб олиб жанг қилишни яхши кўради. Балки бу унинг услубидир, аммо шунга ўхшаш камчиликларни унда кўряпман. Балки унда профессионал боксдаги тажриба камдир, аммо у Олимпиадада қатнашиб, бронза медалини қўлга киритган. Бундай даражада осон жанглар бўлмайди. Бизнинг услубларимиз ажойиб жангни кафолатлайди", - деди Роман.