Даниил Медведев кетма-кет иккинчи, фаолиятидаги 17-совринини қўлга киритди

Жаҳоннинг 8-ракеткаси Даниил Медведев британиялик Энди Маррейни икки сетда 6/4, 6/4 ҳисобида мағлуб этиб, Қатардаги турнирнинг бош совринини қўлга киритди. Бу Даниилнинг профессионал фаолиятидаги 17-унвони бўлди. 

Медведевни ҳисобида ҳозиргача Токио, Уинстон-Сейлем, Роттердам, Сидней, Шанхай, Санкт-Петербург, Цинциннати, София, Париж, US Open, Торонто, Мальорка, Марсель, Вена, Лос-Кабос ва Якуний турнирдаги ғалабалар бор эди. Энди уларнинг қаторига Қатардаги соврин ҳам қўшилди.

Шунингдек, Даниил Медведев қаторасига иккинчи ҳафта турнир бош совринига эга чиқмоқда. Ўтган ҳафта у АТР-500 сериясига кирувчи Роттердамдаги мусобақада ҳам ғалабани тантана қилганди. Финалда Янник Синнерни 5/7, 6/2, 6/2ҳисобида мағлуб этган Даниил 500 рейтинг очкоси ва 387 евро мукофот пулига эга бўлганди.