Даниил Медведев Рим "Мастерс"даги иштирокини якунлади

ATP рейтингида 11-ўринни эгаллаб турган Даниил Медведев тўртинчи даврада дунёнинг тўққизинчи ракеткаси, италиялик Лоренцо Музеттига 5/7, 4/6 ҳисобида имкониятни бой бериб, мусобақадаги иштирокини эрта якунлади. Лоренцо теннисчиларнинг ўзаро учрашувларида илк бор ғалаба қозонди - 1:2. 

Тўқсон саккиз дақиқа давом этган баҳсда Медведев 2, Музетти 4 та эйс зарбасини амалга оширган. Иккала теннисчи ҳам қўшхатога йўл қўймади ва учрашувда аниқ ҳаракат қилди. Брейклар бўйича устунлик табиийки, ғолиб теннисчи томонида бўлди - 3 га 1. 

Эътиборлиси, учрашув ёмғир сабаб икки бор тўхтатилди. Биринчи сафар 10 дақиқа, кейингисида эса 3 соатга тўхтаб қолди. Энди Лоренцо Internazionali BNL d'Italia кейинги босқичида мусобақанинг амалдаги чемпиони, германиялик Александр Зверевга қарши кортга чиқади.