Даниил Медведев "Ролан Гаррос"даги юришини бошлади

Россиялик теннисчи илк даврада ATP рейтингида 65-поғонада бораётган германиялик  Доминик Кёпферни тўрт сет натижасига кўра таслим этди - 6/3, 6/4, 5/7, 6/3. Теннисчиларнинг ўзаро учрашувларидаги мутлақ устунлик Медведев томондан - 4:0. 

Уч соату 10 дақиқа давом этган баҳсда Медведев 1, Кёпфер 2 та эйс зарбани амалга оширган. Қўшхатолар олмон теннисчисида кўпроқ бўлди - 5 га 3. Даниил 7 та, Кёпфер 4 та брейкка эришди. Медведевнинг иккинчи даврадаги рақиби Миомир Кечманович бўлади. Серб теннисчиси ўз ўрнида бразилиялик Тьяго Монтейрони енгди - 6/2, 6/1, 4/6, 7/5.