09 июн 19:07
Янгиликлар

Бокс/ММА

Дариуш: "Мен бор-йўғи 34 ёшдаман, лекин 50 ёшдек кўринаман"

UFCнинг ўрта вазндаги тўртинчи рақамли жангчиси Бенеил Дариуш Чарльз Оливейрага қарши жанг олдидан журналистлар саволларига жавоб қайтарди.

"Нима учун менга қарши жанг олдидан Гамрот фаворит ҳисобланганлигини биламан. Кўпчилик Арман Царукянни бўлажак чемпион деб ҳисоблайди, Гамрот эса уни мағлуб этган. Шундан сўнг у ҳудди чемпиондек бўлиб қолганди.

Энди эса менга қаранг, 34 ёшман, лекин 50 ёшдек кўринаман. Аммо одамлар мен ҳақимда нима деб ўйлашларига тупурдим. Яратган томонидан истеъдод берилган, уни ривожлантиришга асосий эътиборни қаратганман.

Оливейрада мени қийнаб қўйиши мумкин бўлган нимадир кўрмаяпман. Биз октагонга кирганимиздан сўнг, барча орамиздаги фарқни тушунади.

Менда қўрқув йўқ, мен ишонч билан чиқаман ва уни мағлуб эта оламан.

Агар имкон бўлса Исламни ҳам ортда қолдира оламан. Бунга қаттиқ ишонаман", - деди Дариуш.