19 май 10:32
Янгиликлар

Бокс/ММА

Дастин Порье - Жастин Гэтжи жанги даъвогарлик мақомида бўлади

Дастин Порье ва Жастин Гэтжи ўртасидаги жанг ғолиби енгил вазнда UFC чемпионлик камарига расмий даъвогарга айланади.

Бу ҳақда промоушеннинг етакчи шарҳловчиси Жон Эник хабар берди.

"Биз бу масалани ҳамкасбларимиз билан муҳокама қилдик. Ҳамманинг гапи бир жойдан чиқди. Енгил вазнда беш раундлик жанг. Оқшомнинг марказий жанги, даъвогарлик мақомига энг муносиб тўқнашув. Бунга ҳеч қандай шубҳа йўқ", - деди Эник The Schmo каналига берган интервьюсида.

Эслатиб ўтамиз, аввалроқ UFC президенти Дана Уайт Дастин Порье ва Жастин Гэтжи ўртасидаги жанг расман 29 июль куни Солт-Лейк-Сити шаҳрида ўтказиладиган UFC 291 турнирининг марказий жанги бўлишини маълум қилганди. Ғолиб Хорхе Масвидалдан кейин вакант бўлиб қолган BMF камарини қўлга киритади.