Дастин Порье қисқа муддатли "вызов"ни қабул қилди, у шу ой октагонга чиқади

Америкалик "Бриллиант"нинг рақиби Нейт Диас бўлади.

"Икки кун аввал менга қўнғироқ қилишди. Жуда қисқа муддатда таклифга розилик бердим. Аслида бундай қилмаслигим керак эди. Ҳозирча шартномага расман имзо чекмадим. Рақиб Нейт Диас бўлади. Мен "ҳа" деб жавоб бердим. Энди Диаснинг жамоасидан жавоб кутяпман. Жанг санасини ҳам ҳозир аниқ айта олмайман. Аммо, жанг яқин 6 ҳафта ичида ўтказилади. Биз яримўрта вазнда жанг қиламиз. Мен эртагаёқ 170 фунт вазн қила оламан. Бу вазнда 2007 йилда жанг ўтказиб улгурганман. Ўшанда рақибимни биринчи раундда нокаут эвазига мағлуб этган эдим", - деди Порье.  

Эслатиб ўтамиз, ўтган ой Дастин Порье чемпион Чарльз Оливейрага ютқазиб қўйганди. Нейт Диас эса июнь ойида яримўрта вазн рейтингининг учинчи рақамли жангчиси Леон Эдвардсга имкониятни бой берганди.

Катта эҳтимол билан Порье - Диас жанги 22 январь куни Анахаймда ўтказиладиган UFC 270 турнири доирасида бўлиб ўтади. Иккинчи сана сифатида 12 февраль кунги Хьюстондаги UFC 271 турнири кўрсатилган.