Davis Cup. Рақибимиз Босния ва Герцоговинанинг Тошкентга келадиган таркиби маълум

Аввалроқ, I Жаҳон гуруҳи учун плей-офф босқичи доирасида ўтказиладиган баҳсда терма жамоамиз шарафини ҳимоя қиладиган теннисчиларимиз таркиби аниқ бўлганди. Ҳумоюн Султонов, Сергей Фомин, Максим Шин ва Раҳимбек Иброҳимов Боснияга қарши баҳс олиб бориш имкониятига эга бўлишганди. 

Ўз ўрнида Босния ва Герцеговиния терма жамоаси мураббийи ҳам Тошкентга келадиган таркибни ошкор қилди. Рақибларимизнинг биринчи ракеткаси тажрибали Дамир Жумҳур. У ўз вақтида дунёнинг 23-ракеткаси бўлган, айни пайтда ATP рейтингида 82-ўринни эгаллаб турибди. Нерман Фатич 395, Мирза Басич 562, Андрей Недич эса 618-поғонадан жой олган.    

Маълумот учун, Ўзбекистон - Босния ва Герцеговиния учрашуви 31 январь - 1 февраль кунлари пойтахтимиздаги Республика Олимпия захиралари теннис мактаби ёпиқ кортларида ташкил этилади. Илк кунги учрашувлар соат 13:00да, 1 февралдагиси эса 11:00 да бошланади.

Жамоалар шу кунгача ўзаро ўйин ўтказишмаган. Босния ва Герцеговина терма жамоаси сўнгги учрашувини ўтган йилнинг сентябрида I Жаҳон гуруҳи доирасида Хитой Тайпейига қарши ўтказиб, 2:3 ҳисобида имкониятни бой берган эди.