Де Ла Хоя Мейвезер билан реванш рекордини янгилайди деб ҳисобламоқда

«Сўзсиз, Флойдни фақат пул қизиқтиради. Бизнинг реваншимиз у учун энг катта жанг бўлади. Ҳаттоки, Макгрегор билан ўтказган жангидан ҳам кўра. Умуман олганда, Логан Пол ёки бошқалар билан ўтказган жангидан кўра қизиқ бўлади. Менимча, одамлар ҳақиқий жангларни кўришни хоҳлайди. Одамлар афсона афсона билан, чемпион бошқа бир чемпион билан урушишини хоҳлайди. Ва биз буни амалга оширамиз. Биз буни бутун ҳаётимиз давомида амалга оширдик. Одамлар бундай «Шоу»лардан чарчаган деб айтмаслик керак, аммо улар ҳақиқий жангларни кўришни хоҳлайди.

Улар рингда ҳақиқий афсонани кўришни хоҳлайди. Флойд Мейвезер, Менни Пакьяо ва мен, биз барчамиз ўн йиллаб титуллар учун курашган ҳақиқий афсоналармиз. Флойд билан жангимиз жуда катта, шунчаки улуғвор бўлишини ҳис қиляпман. Бу Флойд Мейвезерни ўзига жалб қилади. Ишончим комилки, Флойд билан жангим трансляцияси 5 миллионга сотилади. Технологияларнинг барчасини ҳисобга олган ҳолда, тадбирни янада оммалаштиришга ёрдам берадиган жуда кўп нарса бор. Ҳозир бизда NFT-Meta бор. Бутун ижтимоий медиа платформаси мавжуд. Ва буларнинг барчаси бизнинг жангимизни ниҳоятда оммалаштириши мумкин», - деди Де Ла Хоя.

Эслатиб ўтамиз, боксчилар биринчи жангини 2007 йилда ўтказган ва пулли трансляциялар сотуви рекорд даражада - 2.7 миллионни ташкил қилган.