Делла Маддалена Махачев билан жангда йўл қўйган асосий хатоси қандай бўлганини айтди

"Мен ҳимоя ҳақида ҳаддан ташқари кўп ўйладим — зарба ўтказиб юбормаслик ҳақида, ҳужум қилиш ҳақида эмас. Ҳатто партерда бўлганимда ҳам баъзи пайтлар ҳужум қилдим, кейин туриб кетдим, лекин ўша вақтда раунд тугаб қоларди. Шунинг учун жанг давомида асосан ҳимоя ҳақида ўйладим, у эса кўпроқ ҳужум қилди — бу менинг асосий хатом бўлди. Унга муносиб баҳо бериш керак, Ислам ўзини энг яхши томондан кўрсатди. Албатта, бу борада ишлашим керак, шунинг учун яна залга қайтдим", — деди у ESPNга.