Дэна Уайт Чимаевни 15 август кунги UFC 252 турнирида кўрмоқчи. У бунга ваъда берди

Уайт Чимаев учун 15 август куни АҚШда ўтказиладиган UFC 252 турнирида жанг ташкил қилиб бермоқчи. UFC раҳбари бунга ваъда берди. 

"Дэна Уайт билан гаплашдим. У Хамзат Чимаевга алоҳида қобилиятга эга жангчи сифатида баҳо берди. Уайт 15 август куни ўтказиладиган UFC 252 турнирида Чимаевни кўрмоқчи. Дэна бунга ваъда берди", — дея ўзининг Твиттер саҳифасида хабар берди Yahoo Sports журналисти Кевин Айол.

Эслатиб ўтамиз, Хамзат Чимаев кеча ўтказилган UFC Fight Island 3 турнири доирасида британиялик Рис Маккини биринчи раунднинг ўзидаёқ мағлубиятга учратганди. Хамзат 16 июль кунги UFC турнирида ўзининг дебют жангини ўтказган ва ўшанда Жон Филлипсни таслим этганди. Бу билан Чимаев 10 кун ичида иккита жангда октагонга кўтарилган илк UFC жангчисига айланган эди.