01 фев 07:26
Янгиликлар

Теннис

Денис Истомин АҚШ турнири чорак финалида кортга чиқди

АҚШнинг Ньюпорт шаҳрида ўтказилаётган теннис бўйича "Челленжер" туркумига кирувчи турнир ўзининг ҳал қилувчи палласига кирди.

Мукофот жамғармаси 162 480 АҚШ долларини ташкил этган мусобақада ҳамюртимиз Денис Истомин ҳам иштирок этаётганди. Турнирда 15-рақам остида таснифланган Истомин икки ғалабага эришиб, чорак финалга йўл олган эди. Учинчи босқичда дунёнинг 50-ракеткаси, америкалик Фрэнсис Тиафони мағлуб этиб, кичик шов-шув ҳам кўтарганди.

Афсуски, ATP рейтингида 170-поғонада бораётган Истомин 1 соату 36 дақиқа давом этган чорак финал учрашувида рейтингда ўзидан 101 поғона пастда бораётган америкалик Тай-Сон Квятковскийга 6:7(6), 4:6 ҳисобида имкониятни бой бериб, мусобақа билан хайрлашди.