08 янв 19:42
Янгиликлар
Теннис
Денис Истомин Австралия очиқ чемпионатида иштирок этадими?
Теннис оламида мавсумнинг биринчи йирик турнири Австралия очиқ чемпионати ҳам яқинлашиб келмоқда.
Мухлисларни юртимизнинг биринчи рақамли ракеткаси Денис Истоминнинг ушбу мусобақада иштирок этиши қизиқтирмоқда.
Ўзбекистон теннис федерацияси матбуот хизматининг маълум қилишича, юртдошимиз бўлажак мусобақанинг саралаш босқичидан иштирок этади. Квалификация баҳслари 10 январь куни старт олади. Ҳозирда теннисчимиз бўлажак мусобақага қизғин ҳозирлик кўрмоқда.
Таъкидлаш жоиз, тарихда илк бор саралаш баҳслари Австралиядан ташқарида ўтказилади. Регламентга кўра, эркаклар ўртасидаги квалификация Дохада, аёлларники эса Дубайда ўтиши белгилаб қўйилган. Мусобақанинг асосий давра баҳслари 8 февраль куни анъанавий тарзда Мельбурн шаҳрида старт олади. Мусобақанинг бу йилги соврин жамғармаси 55.534.000 АҚШ долларини ташкил этади.
Ҳавола :
Манба : olympic.uz
Фикрлар