14 окт 09:50
Янгиликлар

Теннис

Денис Истомин бу ҳафта Нинбодаги турнирда иштирок этади, рақиби ҳам маълум

Бугун Хитойнинг Нинбо шаҳрида “Челленжер” туркумига кирувчи турнир старт олди.

Соврин жамғармаси 162 480 долларни ташкил қилувчи ушбу мусобақада мамлакатимизнинг биринчи ракеткаси Денис Истомин ҳам иштирок этади. Ҳамюртимиз турнирда 15-рақам остида сараланди ва тўғридан-тўғри иккинчи даврадан баҳсларга киришади.

Бир неча дақиқа аввал Дениснинг иккинчи босқичдаги рақиби маълум бўлди. Хитой Тайпейи теннисчиси Ян Цун-Хуа илк давра учрашувида хитойлик Гао Синни 6:2, 7:6(4) ҳисобида мағлуб этди. ATP рейтингида 307-ўринни эгаллаб турган Ян иккинчи даврада Денис Истоминга қарши кортга чиқади.