10 сен 06:59
Янгиликлар

Теннис

Денис Истомин Чикаго "Челленжер" турнири ғолиби!

АҚШнинг Чикаго шаҳрида мукофот жамғармаси 150 000 АҚШ долларини ташкил қилувчи мусобақа якунланди.

“Челленжер” туркумига кирувчи ушбу турнир ҳамюртимиз Денис Истоминнинг ғалабаси билан якунланди. Мамлакатимизнинг биринчи ракеткаси Чикаго “Челенжер” турнирида иккинчи рақам остида таснифланган эди.

Дунёнинг 76-ракеткаси бўлган Истомин ҳал қилувчи финал баҳсида мезбон теннисчи ATP рейтингида 173-ўринни эгаллаб турган 21 ёшли Рейлли Опелкага қарши кортга чиқди. Бир соату 8 дақиқа давом этган учрашувда Денис рақибини 6:4, 6:2 хисобида мағлуб этиб, мусобақа чемпионига айланди.