16 фев 07:43
Янгиликлар

Теннис

Денис Истомин Делрей-Бичда номдор рақибини мағлуб этди

АҚШнинг Флорида штати Делрей-Бич шаҳрида теннис бўйича мукофот жамғармаси 673 655 АҚШ долларини ташкил этувчи мусобақанинг саралаш баҳслари старт олди.

Хабар берганимиздек, ушбу турнирда ҳамюртимиз Денис Истомин ҳам иштирок этаётганди. Мамлакатимизнинг биринчи ракеткаси мусобақадаги иштирокини саралаш босқичидан бошлади.

Денис саралашнинг 1/2 финалида испаниялик таниқли теннисчи Гильермо Гарсия-Лопесга қарши кортга чиқди. Бир соату 14 дақиқа давом этган баҳсда Истомин рақибини 7:5, 6:2 ҳисобида мағлубиятга учратди. Бу билан Истомин ўзаро учрашувлардаги ҳисоб мувозанатини ҳам тиклади - 3:3.

Бугун ҳамюртимиз асосий тўрга йўлланма берувчи учрашувда америкалик Ной Рубинга қарши кортга чиқади. Денис айни пайтда жаҳон рейтингида 161, Гарсия-Лопес 163, Рубин эса 269-ўринни эгаллаб турибди. Кеча Ной дунёнинг 116-ракеткаси, италиялик Паоло Лоренцини 7:5, 7:6(5) ҳисобида мағлуб этишни уддалади.