Денис Истомин: "Ҳали фаолиятимни якунлаганим йўқ. АҚШга қарши ҳам ўйнашим мумкин"

Унда Ўзбекистон терма жамоаси плей-офф доирасида АҚШга қарши ўйин ўтказади. Ушбу ўйин олдидан теннисимиз афсонаси Денис Истомин Olamsport.com сайти учун қисқа интервью берди. 

- Денис, мазкур учрашувга тайёргарлик қандай ўтди? 

- Ўйинга тайёргарлик яхши бўлди. Икки нафар спортчимиз Туркиядаги базада шуғулланди. Ўйинларга бир ҳафта қолганда бу ерга келишди ва шу ерда машғулот ўтказишяпти. 

Ҳумоюн эса бир неча мусобақаларда иштирок этди. Қувайтдаги сўнгги мусобақада финалгача етиб борди. Бешинчи рақамли теннисчини аниқлаб олиш учун кичик мусобақа ташкил этдик ва унда Амир Милушев ғолиб бўлди. У мана шундай катта мусобақани кўриши, катта спорт ҳавосидан нафас олиши лозим. 

- АҚШга қарши ўйинда сиз ҳам иштирок этишни истармидингиз?

- Барча нарса бўлиши мумкин. Мен ўйновчи сардорман. Агар вазият шуни тақозо этса мен ҳам ўйинларда иштирок этишим мумкин.

- Ҳозирги кунда терма жамоа йигитларида жароҳатлар йўқми? 

- Барчаси жойида. Умид қиламизки, бундан кейин ҳам шундай бўлиб қолади. 

- Турда ҳали сизни яна кўрамизми?

- Ҳали фаолиятимни расман якунлаганим йўқ. Кичик танаффус юзага келди, бироз жароҳатлар бор. Аммо, бу мавсумда ҳали яна ўйнайман.

- Ўйинлар олдидан мухлисларга нима деган бўлардингиз? 

- Ўйинимизга келинг, йигитларни қўллаб-қувватланг. Умид қиламанки, мухлислар ўйинимизга келишади ва бизга мухлислик қилишади. Биз биргаликда ғалаба қозонамиз. 

Азиз Тўхтамуродов суҳбатлашди