Денис Истомин иштирок этадиган турнирга қуръа ташланди

Айни пайтда ATP 250 мусобақасининг саралаш босқич баҳслари ўтказилмоқда. Ушбу турнирда ҳамюртимиз Денис Истомин ҳам иштирок этади. Кеча Пуна турнирининг асосий тўрига қуръа ташланди. Мамлакатимизнинг биринчи ракеткаси илк даврада саралаш турнири ғолибларининг бири билан тўқнаш келадиган бўлди. 

Жанубий Африка Республикаси вакили Кевин Андерсон турнирнинг биринчи ракеткаси сифатида ҳаракат қилади. Истомин ва Андерсоннинг йўллари чорак финалда кесишади. Бунинг учун уларнинг ҳар иккиси ҳам ўз учрашувларида ғалаба қозонишлари шарт.

Турнирнинг мукофот жамғармаси 589 680 долларни ташкил қилади. Чемпион теннисчи ўз ҳамёнини 90 990 долларга бойитиб олади, шунингдек 250 рейтинг очкосига ҳам эга бўлади. Биринчи раундда кортга чиққан теннисчиларнинг бари натижадан қатъий назар 5 320 долларлик бўлишади.