25 окт 10:11
Янгиликлар

Теннис

Денис Истомин Лужоуда қийинчиликсиз 1/2 финалга чиқди

Хитойнинг Лужоу шаҳрида “Челленжер” туркумига кирувчи турнир давом этмоқда.

Соврин жамғармаси 54 160 АҚШ долларини ташкил қилувчи ушбу турнирда мамлакатимизнинг биринчи ракеткаси Денис Истомин ҳам муваффақиятли иштирок этяпти. ATP рейтингида 211-ўринни эгаллаб турган Истомин ҳозиргина якунига етган чорак финал баҳсида ғалабага эришди.

Турнирнинг 9-ракеткаси бўлган Денис 15-рақам остида таснифланган Хитой Тайпейи вакили Тун-Лин Вуни 6:2, 6:3 ҳисобида доғда қолдирди. Учрашув 1 соату 4 дақиқа давом этган. Ву ATP рейтингида 239-поғонадан жой олган. Истоминнинг 1/2 финалдаги рақиби бироздан сўнг аниқланади.