Денис Истомин Қозоғистондаги турнир саралашида кортга чиқди

Ҳамюртимиз Денис Истомин саралашнинг ярим финалида сербиялик Ласло Дьерега қарши кортга чиқди. Ласло саралашда учинчи рақам остида таснифланган бўлиб, айни пайтда дунё рейтингида 72-ўринни эгаллаб турибди. Денис Истомин эса 424-поғонадан жой олган. 

Бир соату 7 дақиқа давом этган баҳсда Дьере 6/1, 6/4 ҳисобида ғалаба қозониб, саралашнинг финалига йўл олди. Ласло учрашув давомида 8 та эйс зарбасини ижро этган. Истоминда бу кўрсаткич нол кўринишида бўлди. 

Маълумот учун, Астана турнирининг мукофот жамғармаси 2 миллион 54 минг 825 долларни ташкил қилади. Дунёнинг биринчи ракеткаси, испаниялик Карлос Алькарас турнирда ҳам биринчи рақам остида ҳаракат қилади. У асосий тўрнинг илк даврасида ATP рейтингида 31-поғонада бораётган даниялик Хольгер Рунега қарши кортга чиқади.