30 май 12:37
Янгиликлар

Бокс/ММА

Деонтей Уайлдер Жошуага қарши жанг қачон ўтказилишини айтди

Профессионал бокснинг супероғир вазн тоифасида WBC чемпиони америкалик Деонтей Уайлдер қолган учта йўналиш чемпиони британиялик Энтони Жошуага қарши жангнинг қачон ўтказилиши масаласига ойдинлик киритди.

Ушбу жанг ғолиби супероғир вазнда мутлоқ жаҳон чемпионига айланади. Айни пайтда ҳар икки боксчининг жамоалари жанг санаси ва манзили юзасидан музокараларни давом эттиришяпти.

Ҳозирда иккита вариант бор — бирлаштирувчи чемпионлик жанги сентябрь ойида Буюк Британияда ёки ноябрда АҚШда бўлиб ўтади. Агар жанг Британияда ўтказилса, Жошуа молиявий томондан ютқазади.

“Жошуа 50 миллион долларлик гонорар таклиф қилинса, дарҳол шартномага имзо чекишини айтганди. Биз унинг талабини қондирадиган таклиф бердик. Фақат бу ҳолатда жанг АҚШда ўтказилиши шарт. Лекин ҳали жавоб олмадик”, - деди Уайлдер.