18 ноя 12:03
Янгиликлар

Бокс/ММА

Деонтей Уайлдер Мейвезернинг рекордини янгиламоқчи

Профессионал бокснинг супероғир вазн тоифасида энг нуфузли ҳисобланган WBC йўналиши чемпиони Деонтей Уайлдер афсонавий Флойд Мейвезерга тегишли бўлган рекордни янгилашга аҳд қилди.

Бу маълумотни америкалик чемпионнинг мураббийи Жей Диз ҳам тасдиқлади. Унинг айтишича, Уайлдер супероғир вазнда 50 та ғалабага эришган биринчи боксчига айланмоқчи.

Айнан шунча ғалабага америкалик Флойд Мейвезер ҳам эришган. Фақат Флойд ҳозирча сўнггиси бўлиб турган 50-жангини аралаш қоидалар бўйича UFC чемпини Конор Макгрегорга қарши ўтказган эди. Лекин ўша жанг бокс қоидалари асосида ташкил этилганди.

Маълумот учун, Уайлдер ҳозирча фаолияти мобайнида 39 та жанг ўтказган бўлиб, уларнинг барчасида ғалабага эришган.