15 июл 06:47
Янгиликлар
Деонтей Уайлдернинг навбатдаги рақиби айтилди
Бу ҳақда британиялик промоутер Фрэнк Уоррен хабар берган.
"Деонтей октябрь ойида жанг қилади. У қайтяпти, унинг жанги Хелениусга қарши бўлиши айтиляпти. Бу жанг Қўшма Штатларда бўлиб ўтади. Жангни мен ташкиллаштирмоқчиман, бироқ Уайлдер жиддий нокаутдан сўнг қайтяпти. Буни ҳам унутмаслик керак. Шубҳасиз, Фьюри билан трилогия жангидаги нокаут унга қийинчиликлар келтириб чиқарди", - дея Уорренинг сўзларини келтиради Boxing 24/7 нашри.
Маълумот ўрнида, Уайлдер фаолияти давомида 45 та жанг ўтказиб, 42 та ғалабага эришган, икки бор мағлуб бўлган ва битта жангда дурангга имзо чеккан.
Эслатиб ўтамиз, Деонтей сўнгги бор 2021 йилнинг 10 октябрида Тайсон Фьюрига қарши жанг қилган эди.
Аввалроқ, Кубрат Пулевни мағлуб этган Дерек Чисора Эдди Хирндан айнан Деонтей Уайлдер билан жанг ташкил этиб беришини сўраган эди.
Фикрлар