Чисоранинг иштаҳаси очилди, у Хирндан Уайлдер билан жанг ташкил қилишни сўради

38 ёшли боксчи бир нечта жангдан сўнг фаолиятини якунлашини ҳам таъкидлади.

"Кўп кучим қолмади. Лекин ҳаммасини сизлар учун ишлатишга ваъда бераман. Яна бир неча жанг ўтказгандан кейин боксдан кетаман. Мен кучли жангчилар билан жанг қилишни хоҳлайман. Эдди Хирнга, агар Уайлдер билан жанг ташкил қилиб берса хурсанд бўлишимни айтдим.

Мен ўз давримдаги барча кучли боксчилар билан жанг қилмоқчиман. Ғалаба ёки мағлубият, бу аҳамиятсиз. Мен шунчаки бокс тушишни хоҳлайман. Хирн ва Matchroomʼга раҳмат.

Бугун менинг жангимда болалар ҳам иштирок этди. Улар мени биринчи марта бокс тушишимни кўришди. Менга ғалаба керак эди. Кўп жангларда мағлуб бўлдим ва бу жангда ғалаба қозонишим керак эди. Ғолиб бўлиш ёқимли албатта.

Аммо, Пулев ғалаба қозонган тақдирда ҳам олдинга юришда давом этардим. Мен хафа бўлмайман. Сабаби Худонинг мен учун тузган режаси бор", - деди Чисора.

Эслатиб ўтамиз, Дерек Чисора болгариялик тажрибали рақиби Кубрат Пулевни 116-114, 116-122, 112-116 ҳисобида мағлуб этди ва WВА International камарини қўлга киритди.