Дэвид Бенавидес: "Биринчи оғир вазнда битта йиртқич бор ва у — мен!"

Бу таклиф австралиялик боксчининг бугун Лас-Вегасда бўлиб ўтган "Zuffa Boxing" оқшомида WBC чемпиони Ноэл Микаэлян устидан қозонган ғалабасидан сўнг янгради.

Ғалабадан сўнг Опетайя Бенавидесни рингга чорлади ва қўриқчилар бироз иккиланишган бўлса-да, уни ичкарига киритишди. Чемпионлар бир-бирига нисбатан жуда ҳурмат билан муносабатда бўлишди.

"Мен уни ҳурмат қиламан, у боксда кўп ажойиб ишларни амалга оширди. Мен у билан рингда тўлиқ ҳурмат сақлаган ҳолда учрашмоқчиман. Келинг, буни амалга оширамиз", — деди Опетайя Бенавидесга. Дэвид Бенавидес эса дарҳол асосий масалага ўтди.

"Келинг, бу жангни келаси йили ташкил қиламиз. Келаси йил "Sinko de Mayo"да (5 май, Мексика байрами), — дея таклиф қилди Бенавидес. — Қаршимда ажойиб, кучли жангчи турибди, лекин бу дивизионда фақат битта йиртқич бўлиши мумкин ва у — менман! Бу йигит ажойиб жангчи, биз мухлисларга зўр жанг тақдим этамиз. Менга бу йигит ёқади. Кўринишидан, у ҳам мен каби жанг қилишни яхши кўради".

Жорий йилда Бенавидес биринчи оғир вазнда чемпионлик камарларини айнан Мексиканинг энг йирик байрамларидан бири — "5 май" арафасида қўлга киритган эди. Бу сана илгари Сауль "Канело" Альвареснинг жанглари учун ажратилган бўларди.

Микаэлянга тегишли бўлган WBC камарининг тақдири ҳали номаълум. Катта эҳтимол билан, Бенавидес ушбу камар учун жанг қилади, чунки WBC аввалроқ Микаэлянга Бенавидесга қарши мажбурий ҳимоя жангини тайинлаган эди, бироқ Микаэлян Опетайя билан жанг қилиш учун шартнома имзолаб юборганди.