Дэвид Бенавидес Хильберто Рамиресдан анча енгил тош босди

Оқшомнинг асосий жанги биринчи оғир вазн тоифасида ўтказилади ва унда Хильберто Рамирес ва Дэвид Бенавидес ўзаро тўқнаш келади. Жанг Рамиресга тегишли бўлиб турган WBO чемпионлик камарлари учун кечади. 

Эртанги жанг олдидан боксчилар расмий тарозидан ўтиш маросимида ҳозир бўлишди. Амалдаги чемпион Рамирес лимит учун чегарадаги энг юқори вазнни қайд этди - 90,7 кг. Ушбу жанг Дэвид Бенавидес учун янги вазн тоифасида дебют бўлади. У анча енгил - 89,26 кг тош босди. Бенавидес фаолиятида биринчи марта ҳеч қандай куч сарфламасдан жангга тайёргарлик кўрди ҳамда вазн ташлаш муаммосидан халос бўлди.

Кечанинг иккинчи муҳим жанги иштирокчилари Армандо Ресендес ва Хайме Мунгия ҳам тарозида мос равишда 75,75 ва 75,93 кг вазн кўрсатиб, иккинчи ўрта вазн чегараси 76,2 кг билан вазн ўлчашдан муаммосиз ўтишди.