01 фев 10:18
Янгиликлар

Теннис

Дэвис Кубоги: Бугун Ўзбекистон - Сербия учрашуви бошланади

Бугун пойтахтимизда теннис бўйича Дэвис Кубогининг плей-офф босқичидан ўрин олган Ўзбекистон ҳамда Сербия терма жамоалари ўртасидаги учрашув бошланади.

Унга кўра, бугунги илк кундан ўрин олган биринчи учрашув Санжар Файзиев ва Душан Лайович ўртасида бўлиб ўтади. Айни пайтда Файзиев дунё рейтингида 424, Лайович эса 39-ўринни эгаллаб турибди. Бу баҳс соат 13:00да бошланади.

Шундан сўнг кортга мамлакатимизнинг биринчи рақамли теннисчиси Денис Истомин ҳамда Сербиянинг иккинчи ракеткаси Филип Крайинович таклиф этилади. Истомин ATP рейтингида 104, унинг рақиби эса 72-поғонадан жой олган.