31 янв 09:48
Янгиликлар

Теннис

Дэвис Кубоги: Ўзбекистон - Сербия! Бугун қуръа ташланади

Эртага пойтахтимизда теннис бўйича Дэвис Кубогининг плей-офф босқичидан ўрин олган Ўзбекистон ҳамда Сербия терма жамоалари ўртасидаги учрашув бошланади.

Бугун соат 12:00да учрашувларга қуръа ташлаш маросими бўлиб ўтади. Кеча ҳар икки жамоа сардорлари иштирокида матбуот анжумани бўлиб ўтди. Биздан Фаррух Дўстов, меҳмонлардан Ненад Зимонжич журналистларнинг қизиқтирган саволларига жавоб қайтаришди.

Маълумот учун, дунёнинг биринчи рақамли теннисчиси бўлиб турган Новак Жокович Тошкентга келмаган. Сербиялик теннис юлдузи беш кун аввал Мельбурнда якунланган Австралия Очиқ чемпионатида ғолиб бўлган эди.

Сербия терма жамоаси таркиби: Душан Лайович, Филипп Крайинович, Ласло Жере, Никола Милоевич, Виктор Троицки

Ўзбекистон терма жамоаси таркиби: Денис Истомин, Ҳумоюн Султонов, Сергей Фомин, Санжар Файзиев, Жўрабек Каримов