31 янв 16:16
Янгиликлар

Теннис

Дэвис Кубоги: Ўзбекистон - Сербия учрашувига қуръа ташланди ФОТО

Дэвис Кубогининг плей-офф босқичидан ўрин олган Ўзбекистон ҳамда Сербия терма жамоалари ўртасидаги учрашувга қуръа ташланди.

Унга кўра, эртанги илк кундан ўрин олган биринчи учрашув Санжар Файзиев ва Душан Лайович ўртасида кечади. Айни пайтда Файзиев дунё рейтингида 424, Лайович эса 39-ўринни эгаллаб турибди.

Шундан сўнг кортга мамлакатимизнинг биринчи рақамли теннисчиси Денис Истомин ҳамда Сербиянинг иккинчи ракеткаси Филип Крайинович таклиф этилади. Истомин ATP рейтингида 104, унинг рақиби эса 72-поғонадан жой олган.

Жуфтликлар баҳсида Денис Истомин ва Санжар Файзиев сербиялик теннисчилар - Николай Милоевич ҳамда Виктор Троицкига қарши кортга чиқади.

Тўртинчи учрашувда Истомин Лайович билан, сўнгги баҳсда эса Файзиев Крайинович билан муносабатларига ойдинлик киритиб олади.

Маълумот учун, дунёнинг биринчи рақамли теннисчиси бўлиб турган Новак Жокович Тошкентга келмаган. Сербиялик теннис юлдузи беш кун аввал Мельбурнда якунланган Австралия Очиқ чемпионатида ғолиб бўлган эди.