14 сен 15:45
Янгиликлар

Теннис

"Дэвис кубоги". Терма жамоамиз биргина теннисчиси ATP рейтингининг юқорироқ поғонасидан жой олган Гонгконгга ҳам мағлуб бўлди

Теннис бўйича Ўзбекистон эркаклар терма жамоаси "Дэвис кубоги" мусобақасидаги навбатдаги ўйинларини ўтказди.

Ҳамюртларимиз II Жаҳон гуруҳининг илк босқичида Гонгконг меҳмони бўлишди.

Кечаги ўйинлардан кейинги ҳисоб 1:1 кўринишида эди.

Бугун бўлиб ўтган учрашувларда Чун Хун Вонг/Коулман Вонг жуфтлиги Сергей Фомин ва Ҳумоюн Султоновни 7/5, 7/6 ҳисобида таслим этди. Коулман Вонг ва Ҳумоюн Султонов ўртасидаги ҳал қилувчи беллашувда эса гонгконглик теннисчи 6/2, 6/2 ҳисобида ғалабани ўзиники қилди.

Шундай қилиб, Гонгконг терма жамоаси вакилларимизни 3:1 ҳисобида доғда қолдирди ва I Жаҳон гуруҳи учун плей-офф босқичи йўлланмасига эга чиқди. Энди ракетка усталаримиз 2026 йил февраль ойида II Жаҳон гуруҳида қолиш учун плей-офф босқичида баҳс олиб боришади.