06 ноя 07:44
Янгиликлар

Бокс/ММА

Диего Лопес "ов"га қайтмоқда

Ярим енгил вазн тоифасида UFC чемпионлик камари учун собиқ даъвогар Диего Лопес навбатдаги жангини январь ойида ўтказишни режалаштирмоқда.

Бу ҳақда унинг ўзи Миланда "Милан" ва "Рома" клублари ўртасидаги футбол ўйинида тўқнаш келган футбол афсонаси Златан Ибрагимович билан суҳбатда айтиб ўтди. Лопеснинг сўзлари унинг кейинги рақиби британиялик Лерон Мёрфи бўлиши ҳақидаги маълумотни билвосита тасдиқлайди.

Агар Лопес ва Мёрфи ўртасидаги жанг ҳақиқатан ҳам амалга ошса, унинг ғолиби Александр Волкановскининг камари учун даъвогарга айланади. Волкнинг ўзи 1 февраль куни Австралиянинг Сидней шаҳрида бўлиб ўтадиган UFC 325 турнирида рейтинг пешқадами Мовсар Евлоевга қарши октагонга чиқади.

Айни пайтда Диего Лопес ва Лерон Мёрфи UFC енгил дивизиони рейтингида мос равишда иккинчи ва тўртинчи поғоналарни эгаллаб турибди.