Диего Лопес хатоларини тузатганини ва Волкановскини реваншда муддатидан олдин мағлуб этишини айтди

Чемпионлик жанги 31 январь куни Сиднейдаги UFC 325 турнирида бўлиб ўтади.

"Мен жуда кўп нарсани ўргандим. Апрель ойида Волкановски билан жанг қилганимда, ўзимга бироз ортиқча ишонган эдим. Ғалабалар сериям яхши эди ва машғулотларимда ҳеч нарсани ўзгартириш шарт эмас, деб ўйладим. Лекин жангдан кейин тайёргарлигимда кўп камчиликлар борлигини кўрдим. Шу боис ўша жангдан сўнг кўп нарсани тузатдим. Ҳозир ўзимни анча яхшироқ ҳис қиляпман. Ўзим ва жамоам учун алоҳида спорт зал ижарага олдим. Ҳеч қандай чалғитувчи омиллар йўқ. Саволлар билан келадиган, суратга ёки видео олишни сўрайдиган одамлар ҳам йўқ.

Мен рақиб ҳудудида жанг қиламан. Бу жангни албатта якунлашим керак. Сабмишн, нокаут ёки беш раунд тўлиқ устунлик билан — мақсадим шу. Мақсадим — ғалаба қозониш", — деди Лопес MMA Mania нашрига.