17 дек 17:45
Янгиликлар

Бокс/ММА

Диллиан Уайт рақибини муддатидан аввал мағлуб этди

Гибралтарда профессионал бокс турнири ташкил этилди.

Оқшом доирасида супероғир вазн тоифасида собиқ вақтинчалик жаҳон чемпиони британиялик Диллиан Уайт (31-3, 21 КО) ганалик Эбенезер Тетте (23-2, 20 КО)га қарши рингга кўтарилди. Еттинчи раунддан кейин Теттенинг бурчаги жангни давом эттирмасликка қарор қилди.

Шу тариқа, Диллиан Уайт техник нокаут эвазига фаолиятидаги 31-ғалабасини қўлга киритди. Муддатидан олдин қозонган ғалабалари сони 21 тага етди. Ҳисобида 3 та мағлубият ҳам бор. Диллиан шу йилнинг март ойида германиялик Кристиан Хаммерни ҳам техник нокаут эвазига таслим этган эди. Тетте эса фаолиятидаги иккинчи мағлубиятини қабул қилиб олди. Ганаликни 2019 йилда бошқа бир британиялик боксчи Дэниэл Дюбуа биринчи раундда нокаутга учратганди.