23 окт 12:52
Янгиликлар

Теннис

Доминик Тим ўз ҳамюртлари кўз ўнгида фаолиятидаги сўнгги учрашувини ўтказди

Австриялик теннисчи Доминик Тим профессионал спортчилик фаолиятини якунлади.

Айни пайтда ATP рейтингида 318-ўринни эгаллаб турган Тим Австрия пойтахти Вена шаҳрида ўтказилаётган турнирнинг илк даврасида дунёнинг 42-ракеткаси бўлиб турган италиялик Лучано Дардерига қарши кортга чиқди ва 6/7(6), 2/6 ҳисобида имкониятни бой бериб қўйди.

Бу Доминик учун профессионал теннисчилик фаолиятидаги сўнгги учрашув сифатида тарихга кирди. Тўқсон бир дақиқа давом этган баҳсда Тим 11, Дардери 6 та эйс зарбасини амалга оширган.