16 фев 08:27
Янгиликлар

Бокс/ММА

Допинг аниқланган ўзбекистонлик таниқли ММА жангчисининг навбатдаги рақиби ва жанг санаси эълон қилинди + ПОСТЕР

Оғир вазн тоифасида ўзбекистонлик аралаш яккакураш устаси Жасур Мирзамуҳаммедовнинг навбатдаги жанги тафсилотлари маълум бўлди.

Ҳамюртимиз 24 февраль куни Россия Федерациясининг Тюмень шаҳрида ўтказиладиган RCC 18 турнири доирасида октагонга чиқади. Юртдошимизга ўша куни мезбонлар вакили Иван Романов рақиблик қилади.

Маълумот учун, Иван Романов фаолияти давомида 9 та жанг ўтказган ва 7 ғалаба, 2 мағлубият қайд этган. Жасур Мирзамуҳаммедов ҳисобида эса 6 та ғалаба ҳамда 1 та мағлубият бор.

Эслатиб ўтамиз, One Championship асосий лигаси билан шартнома имзолаган биринчи ва ягона ўзбекистонлик жангчи Жасур Мирзамуҳаммедовда ўтган йили допинг аниқлангани сабаб таниқли лига билан шартномаси бекор қилинган эди.