Дрикус Дю Плессининг қачон октагонга қайтиши айтилди

Жанубий афикалик аралаш яккакураш устасининг мураббийи Морне Виссернинг айтишича, унинг шогирди тез орада камарни қайтариб олади. 

"Бизга 12-16 ҳафта керак. Уч-тўрт ойда октагонга қайтамиз. Бизга чидамлилик устида ишлаш, куч, функционаллик, "стойка"да жанг қилишни тўғрилашнинг кераги йўқ. Мен партердаги муаммоларни тўғриласак бўлгани. Фақат шу муаммони бартараф этишимиз керак ва у ҳал қилинади. Такрор айтаман, бизга тахминан 12-16 ҳафта керак, кейин дарҳол лагерга қайтиб, 12 ҳафталик ўқув-машғулот йиғини ўтказамиз. Шундан келиб чиқиб айтишим мумкин, келаси йилнинг бошида октагога қайтамиз", - деди мутахассис Submission радиосига берган интервьюсида.

Аввалроқ, Виссер Хамзат Чимаев билан зудлик билан реванш талаб қилишни режалаштирмаётганини айтганди. Чунки улар ҳозирча курашда ундан сезиларли даражада ортда қолишмоқда.

Доминант услубда чемпионни бир овоздан (50-44, 50-44, 50-44) мағлуб этган Хамзат Чимаев 25 октябрь куни Абу-Дабида бўлиб ўтадиган UFC 321 турнирида илк чемпионлик ҳимоя жангини ўтказиши мумкинлигини истисно қилмади. Ўз ўрнида Лига раҳбари Дана Уайт бу имкониятни кўриб чиқишга ваъда берди.