Дуатлон бўйича профессионал ва ҳаваскорлар ўртасида Ўзбекистон очиқ кубоги мусобақаси ўтказилади

Бунинг замирида эса кўплаб спорт турлари бўйича жаҳон ва Осиё чемпионлари етишиб чиқмоқда. Спортчилар бундай натижаларни қайд этишида албатта Ҳукуматимиз томонидан жисмоний тарбия ва оммавий спортга берилаётган эътибор алоҳида ўрин тутади. 

Бу йўлда Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармони эса дастури амал бўлиб хизмат қилмоқда.

Ўзбекистон Республикаси Вазирлар Маҳкамасининг 2020 йил 9 мартдаги баёнига мувофиқ, жисмоний тарбия ва спортни оммалаштириш учун зарур шароитларни яратиш, Ўзбекистон аҳолисини соғлом турмуш тарзига, шу жумладан ўсиб келаётган авлодни триатлон каби спортнинг фаол турларига жалб қилиш мақсадида жорий йилнинг 18 апрель куни пойтахтимизнинг Шайхонтоҳур туманидаги «Анҳор-локомотив» парки ва Транспорт вазирлиги ҳудудида ва унинг атрофидаги ҳудудда, дуатлон бўйича ҳаваскорлар ва профессионаллар ўртасида Ўзбекистон очиқ кубогининг биринчи босқичини ўтказиш режалаштирилган.

Кеча Жисмоний тарбия ва спорт вазирлигида ушбу мусобақани юқори савияда ўтказиш бўйича олиб борилаётган ишлар ва ҳал қилиниши лозим бўлган масалалар юзасидан ишчи гуруҳ йиғилиши бўлиб ўтди. Йиғилишни ишчи гуруҳ раиси сифатида Жисмоний тарбия ва спорт вазирининг биринчи ўринбосари Равшан Эрматов олиб борди.

Шунингдек, йиғилишда турли вазирлик ва идоралар ходимлари ҳамда Ўзбекистон Триатлон федерацияси мутасаддилари иштирок этди.

Унда бўлажак мусобақага ҳар галгидан ҳам юқори ва сифатли тайёргарлик кўриш ҳар бир йўналиш бўйича яъни йўл ҳаракати ҳажвсизлиги, тиббиёт ва бошқа соҳалар бўйича ҳам мутасаддиларига топшириқлар берилди. Йиғилиш якунида ишчи гуруҳ вакиллари ушбу мусобақани бир ёқадан бош чиқарган ҳолда, ҳамжиҳатлик билан ўтказишга келишиб олишди.