05 окт 19:41
Янгиликлар

Бошқалар

Дуатлон бўйича Хоразм вилояти кубоги соҳиби аниқланди

Ўзбекистон Мудофаасига кўмаклашувчи “Ватанпарвар” ташкилоти Хоразм вилоят техник ва амалий спорт турлари маркази томонидан ёшларни ватанпарварлик руҳида тарбиялаш, уларни маънан ва жисмонан баркамол тарзда вояга етишини таъминлаш мақсадида турли мусобақалар ўтказиляпти.

Урганч туманининг Чолиш қўрғонида жойлашган ўқув-машқ майдонида спортнинг дуатлон тури бўйича ташкил этилган вилоят кубогининг финал босқичи ҳам ана шу эзгу ниятларнинг ушалишига хизмат қилади.

Якуний натижаларга кўра, 2001-2003 йилларда туғилган дуатлончилар биринчилигида Гурлан тумани ўқув спорт техника клуби аъзоси Зумрад Ўразметова қизлар орасида, Урганч автомобиль спорт техника мактаби унитар корхонаси спортчиси Норбек Жуманиёзов ўғиллар орасида ғолибликни қўлга киритди.

Шунингдек, 2004-2006 йилларда туғилган иштирокчилар орасида шовотлик Зуҳра Рўзимова ва Қўшкўпир туманининг “Ўртаёп” ЎСТК вакили Отабек Омонбоев зафар қучди. Умумжамоа ҳисобида Гурлан тумани дуатлончилари 2021 йилги Хоразм вилояти кубогини қўлга киритишди. Шовот тумани ЎСТК жамоаси иккинчи ўринни эгаллаган бўлса, “Ўртаёп”лик дуатлончилари учинчи ўринга лойиқ кўрилди.